O Taiala saogalemu mo i latou e aafia i ni uiga po’o ni lagona o le itagia, faailoga tagata po’o le tau faamata’u.

O vaega e 5 e ao ona mafaufau iai pe a aafia pe faaosofia i lagona o le itagia, faailoga tagata po’o le tau faamata’u.

Faamuamua lou lava saogalemu: Talitonu i ou lagona ma vaavaai i lou siosiomaga. Afai ua e lagonaina lava ua le saogalemu, ae o loo maua se avanoa, ia tuua loa le nofoaga.
Ia maua le to’a: Manava i totonu, faatapulaa le fesoota’i o fofoga poo mata, ma ia tumau pea i uiga ma aga masani.
Talanoa iai ( Pe afai e te mautinoa o e saogalemu); Ia toa lou leo ma mataitu le tulaga e te tu ai, ona e tautala lea e faailoa le mataga ma le le talafeagai o lana amio ma saunoaga ua le taupulea.
Saili vave se laveai : Fesili i nisi o latalata ane mo se fesoasoani.
Saili le lagolago a se tagata e sili ona e latalata iai: A lagonaina loa ua maua lou toafimalie ma le saogalemu, ia mautinoa ia lava se taimi e tuuina e te malolo ma toe mafaufau ai, ma saili fesoasoani i se tagata, e te faasoa iai i le mea na tupu. Ia e manatua ma iloa lelei, e le o oe le faapogai, ma e le tuulafoaina foi ‘oe.

Faatinoga Talafeagai: Agai sao i le tagata o aafia, faailoa i ai lou tagata ma tuuina loa iai le fesoasoani talafeagai ma le lagolago.
Faalogo ma le Toto’a: Ao lei faatinoina se gaioiga ia muamua ona fesili i le tagata o aafia pe iai se manaoga e finagalo e faataunuu. Ia mata’itu pea gasologa o le mea ua tupu pe afai e manaomia.
‘Aua le amanaia le o loo faatupua le vevesi: Fa’aaoga lau utaga poto, ma taumafai e faafilemu le faafitauli e ala i upu, faatinoga atoa ai ma nisi auala e faafilemu ai.
Fesoasoani: Afai o le a faatupula’ia le faafitauli, ia tuua loa le nofoaga ma le tagata o loo aafia.
Tuuina atu iai lau lagolago: Fesoasoani i le tagata ua afaina e ala i le fesiligia poo a mai o ia. Ma mafaufau e fesoasoani e saili se isi laasaga e ao ona fai.